Lokaþáttur Ófærðar á Twitter: „Þórhildur er uppáhalds karakterinn minn“

Kristín Ólafsdóttir skrifar 24. febrúar 2019 22:24

Ófærðar-þættirnir njóta gífurlegra vinsælda á Íslandi. Mynd/Lilja Jóns

Lokaþáttur annarrar þáttaraðar af Ófærð var sýndur á RÚV í kvöld og sátu landsmenn límdir við skjáinn, að venju. Ævintýri Andra Ólafssonar lögreglumanns hafa þar með verið leidd til lykta, í bili að minnsta kosti, en áhorfendur voru duglegir að tjá sig um þáttinn á Twitter í kvöld.

Þórhildur, hin umdeilda dóttir Andra, gerði sig enn og aftur gildandi í umræðunni og þá bundu margir vonir við að Ásgeir, lögreglumaðurinn ástsæli, myndi snúa aftur.

Hér að neðan má nálgast nokkur tíst um lokaþátt Ófærðar 2.

Höskuldarviðvörun: Þeim sem hafa ekki horf á lokaþátt Ófærðar og vilja alls ekki vita neitt um örlög Andra og annarra bæjarbúa í litla bænum á landsbyggðinni er ráðlagt að hætta lestri.

.

.

.

.

.

Það er búið að vara þig við.

.

.

.

.

.

.

HOLY GUACAMOLE. ÞETTA VARÐ AÐ HRYLLINGSSERÍU REAL QUICK. #ófærð
— Logi Pedro (@logipedro101) February 24, 2019

Hvað varð um Stein Ármann? #ofærð
— Höddi Magg (@HoddiMagnusson) February 24, 2019

Stefán drap kannski þrjár manneskjur, en hann hefur sterkar skoðanir á keðjuábyrgð á vinnumarkaði, svo þetta jafnast nú að mestu út. #ófærð
— Stefán Pálsson (@Stebbip) February 24, 2019

“Hinrika, ég er að hugsa um að elda í kvöld..”
-“Æ veistu Bárður ég held það sé ekki góð hugmynd.”

Voðalega er hart sótt að eldamennskuhæfileikum Bárðar, grey kallinn. Það var sveppasúpa frá Knorr á boðstólum, erfitt að klúðra því

#Ófærð
— Starkaður Pétursson™ (@starkadurpet) February 24, 2019

Þórhildur varð að þrætuepli, eins og sjá má hér að neðan.

Andri er semsagt að stjórna leit að mannræningja dóttur sinnar. Sömu dóttur og var með bæði síma og peninga sem voru sönnunargögn í máli sem hann var líka að rannsaka. Þetta verður algjört disaster dómsmál. #ófærð
— Hrafn Jónsson (@hrafnjonsson) February 24, 2019

"Heyrðu Andri, sérsveitin er komin til að sjá um þetta"

"þetta er dóttir mín"

"Já ok, þá er best að þú farir bara einn inn"#ófærð
— Hrafn Jónsson (@hrafnjonsson) February 24, 2019

“Hvar er Þórhildur?”
-“Hún er á öruggum stað.”

aaa þetta er gáta.
hún er í Brimborg.
Öruggum stað til að vera á.#Ófærð
— Starkaður Pétursson™ (@starkadurpet) February 24, 2019

“Þórhildur er uppáhalds karakterinn minn” - dóttir mín var að skrifa sig út út erfðaskránni minni rétt í þessu. #Ófærð
— Viktoría Hermannsdóttir (@Viktoriaherm) February 24, 2019

Hún nær að vera óþolandi líka eftir að það er búið að ræna henni. Þvílíkur hæfileiki #ófærð
— Kristrún Emilía (@KristrunEmilia) February 24, 2019

Ég lít á þetta rán á Þórhildi sem hreina og klára samfélagsþjónustu #Ófærð
— Jón Heiðar (@Jonheidar) February 24, 2019

Hef ekki trú á að nokkur maður höndli yfir hálftíma bílferð með Þórhildi #ófærð
— Birgitta Sigursteins (@birgittasig) February 24, 2019

Og svo var það hann Ásgeir. Elsku Ásgeir.

Grey Ásgeir. Búinn að vera í himnaríki í sólarhring max og þá mætir Þórhildur #ófærð
— $ (@SveinnKjarval) February 24, 2019

ég held í vonina að þau nái að tjasla saman Ásgeir með einhveskonar fiskiroði og að hann komi sterkur inn í lokin #ófærð
— Gudni Halldórsson (@GudniKlipp) February 24, 2019

Brunasár ráðherrans voru miklu dýpri en Ásgeirs og þau sjást varla nokkrum dögum seinna. Ásgeir verður kominn aftur í vinnuna eftir hádegi. #ófærð
— $ (@SveinnKjarval) February 24, 2019