Umfjöllun Bein lýsing Miðstöð Liðin Tölfræði Stöðutafla

Man. United burstaði AZ og Gerrard kom Rangers á­fram | Öll úr­slit kvöldsins

Anton Ingi Leifsson skrifar
Leikmenn Utd fagna í kvöld.
Leikmenn Utd fagna í kvöld. vísir/getty

Manchester United gerði sér lítið fyrir og burstaði AZ Alkmaar á heimavelli, 4-0, er liðin mættust í síðustu umferð riðlakeppni Evrópudeildarinnar.

Ole Gunnar Solskjær, stjóri Manchester United, gat leyft sér að dreifa aðeins álaginu á sína menn en fyrri hálfleikurinn var afspyrnu leiðinlegur. Allt markalaust.







United setti í fluggírinn frá 53. mínútu. Ashley Young kom þá United yfir og fimm mínútum síðar tvöfaldaði hinn ungi Mason Greenwood forystuna.

Juan Mata skoraði svo úr vítaspyrnu á 62. mínútu og tveimur mínútum síðar skoraði Greenwood sitt annað mark. Fjögur mörk hjá heimamönnum á ellefu mínútum og lokatölur 4-0.





Í sama riðli vann Partizan Belgrad 4-1 sigur á Astana en Rúnar Már Sigurjónsson lék allan leikinn á miðjunni hjá Astana sem lenti 4-0 undir í leiknum. Þeir fengu einungis þrjú stig í riðlinum.

Wolves var í stuði á heimavelli er þeir pökkuðu saman Besiktas á heimavelli. Staðan var markalaus í hálfleik en Úlfarnir gengu á lagið í síðari hálfleik. Diego Jota gerði þrjú mörk á ellefu mínútum og Leander Dendoncker eitt.





Steven Gerrard og lærisveinar hans eru komnir áfram í 32-liða úrslit er Rangers gerði 1-1 jafntefli við Young Boys  á heimavelli í kvöld.

Hörður Björgvin Magnússon spilaði allan leikinn fyrir CSKA Moskvu og Arnór Sigurðarson síðasta stundarfjórðunginn er liðið vann 1-0 sigur á Espanyol á útivelli. Fyrsti sigur CSKA í riðlinum sem kemst ekki áfram.





Öll úrslit dagsins:

*Liðin sem eru feitletruð eru komin áfram í 32-liða úrslitin

G-riðill:

Rangers - Young Boys 1-1

Porto - Feyenoord 3-2

H-riðill:

Espanyol - CSKA Moskva 0-1

Ludogorets - Ferencvaros 1-1

I-riðill:

Gent - Oleksandriya 2-1

Wolfsburg - Saint Etienne 1-0

J-riðill:

Borussia Mönchengladbach - Instanbul Basaksehir 1-2

Roma - Wolfsburger 2-2

K-riðill:

Slovan Bratislava - Braga 2-4

Wolves - Besiktas 4-0

L-riðill:

Man. United - AZ Alkmaar 4-0

Partian Belgrad - Astana 4-1

Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið