Segja Everton hafa sett sig í samband við Pochettino
Blaðamaður The Times á Englandi, Paul Joyce, greinir frá því í morgun að Everton hafi sett sig í samband við umboðsfólk Mauricio Pochettino.
Everton leitar nú að næsta stjóra félagsins eftir að Marco Silva fékk sparkið í gærkvöldi eftir hörmulegt gengi liðsins að undanförnu en liðið situr í fallsæti.
Pochettino var rekinn frá Tottenham um miðjan nóvember en hann hefur verið í fríi í Argentínu. Nú vill Everton freista þess að fá hann til starfa á Goodison Park.
Everton have made an approach to former Tottenham manager Mauricio Pochettino about potentially being the next Everton manager (Source - @_pauljoyce) pic.twitter.com/H03toVE6JT
— The Toffee Blues (@EvertonNewsFeed) December 6, 2019
Telja má óraunverulegt að Pochettino verði næsti stjóri Gylfa Sigurðssonar og félaga en hann er talinn horfa til stærri félaga líkt og Manchester United.
Fyrr í dag var þó greint frá því að hann myndi ekki verða næsti stjóri Bayern Munchen samkvæmt heimildum Bild.
Everton mætir Chelsea á laugardaginn en harðjaxlinn og fyrrum leikmaður félagsins, Duncan Ferguson, stýrir liðinu í þeim leik.
Tengdar fréttir
Everton vill stjóra Shanghai SIPG
Sky Sports fréttastofan hefur það eftir heimildum sínum að efsti maðurinn á óskalista Everton yfir næst stjóra liðsins sé Vitor Pereira, þjálfair Shanghai SIPG.
Sjötti knattspyrnustjóri Gylfa sem er rekinn á síðustu fjórum árum
Gylfi Þór Sigurðsson er að fá nýjan knattspyrnustjóra sem er eitthvað sem íslenski landsliðsmaðurinn ætti að vera farinn að þekkja mjög vel.
Bild: Pochettino verður ekki stjóri Bayern
Þjóðverjarnir hafa gert upp hug sinn hvað varðar Argentínumanninn.
