Leikmaður Bayern gerði gæfumuninn gegn íslensku strákunum

Íslenska karlalandsliðið í fótbolta skipað leikmönnum 17 ára og yngri tapaði 2-1 fyrir Skotlandi í undankeppni EM í kvöld. Leikið var í Stirling í Skotlandi.

Íslendingar hafa tapað báðum leikjum sínum í riðli 7. Þeir mæta Armenum í lokaumferð riðlakeppninnar á mánudaginn.

Danijel Dejan Djuric, leikmaður Midtjylland, kom Íslandi yfir á 19. mínútu. Hann skoraði einnig í 2-3 ósigrinum fyrir Króatíu á þriðjudaginn.

Liam Morrison, sem er á mála hjá Bayern München, jafnaði fyrir Skota á 31. mínútu. Hann skoraði svo sigurmark skoska liðsins þegar 20 mínútur voru eftir. Lokatölur 2-1, Skotlandi í vil.

Byrjunarlið U17 ára landsliðs karla sem mætir Skotlandi í dag í undankeppni EM 2020.

Leikurinn verður í beinni útsendingu á vef BBC.

Our U17 men's side starting lineup against Scotland today in the Euro Qualifiers.#fyririslandpic.twitter.com/osINE0BZv0

— Knattspyrnusambandið (@footballiceland) October 25, 2019