Innlent

Heimspólitíkin við Hringborðið og varnarlaus forsætisráðherra í Víglínunni

Andri Eysteinsson skrifar

Hringborð norðurslóða, Arctic Circle, sem haldið er árlega í Hörpu er stærsti vettvangur norðurslóðamála í heiminum. Heimir Már Pétursson fréttamaður fær Ólaf Ragnar Grímsson formann Hringborðsins til sín í Víglínuna á Stöð 2 og Vísi klukkan 17:40. En hann hefur meðal annars sagt að stórveldin Bandaríkin, Rússland og Kína nýti Hringborðið til að marka sér stöðu á Norðurslóðum.



Lilja Alfreðsdóttir mennta- og vísindamálaráðherra og Margrét Tryggvadóttir varaþingmaður Samfylkingarinnar mæta einnig í Víglínuna og ræða meðal annars um norðirslóðir en líka um umræðu sem átti sér stað á Alþingi í vikunni um bætur til þeirra sem sýknaðir hafa verið í Guðmundar- og Geirfinnsmálum. Það var eftir því tekið að forsætisráðherra beygði af undir lok síðustu ræðu sinnar í umræðunni enda hafði hún nánast ein mælt með frumvarpinu og sat undir á köflum hvassri gagnrýni. Þá var eftir því tekið að enginn stjórnarþingmaður kom forsætisráðherra til varnar.

Víglínan er í opinni dagskrá á Stöð 2 og Vísi klukkan 17:40.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×