Þyrla Landhelgisgæslunnar sótti konu eftir umferðarslys við Blönduós
Þyrla Landhelgisgæslunnar var kölluð út til þess að flytja slasaða konu til Reykjavíkur eftir bílslys sem varð rétt fyrir utan Blönduós á tólfta tímanum í dag.
Samkvæmt upplýsingum frá Lögreglunni á Blönduósi voru sex aðrir um borð í tveimur bílum sem skullu saman. Voru þeir fluttir á sjúkradeild með minniháttar meiðsli.
Konan sem flutt var til Reykjavíkur var með fullri meðvitund samkvæmt upplýsingum frá lögreglu og er hún ekki talin alvarlega slösuð.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
