Fótbolti

Slegnir út af Liverpool í Meistaradeildinni svo Suarez var sendur strax í aðgerð

Anton Ingi Leifsson skrifar
Suarez liggur eftir í leiknum gegn Liverpool.
Suarez liggur eftir í leiknum gegn Liverpool. vísir/getty

Barcelona tilkynnti í gær að framherjinn Luis Suarez sé á leið í aðgerð en hann kenndi sér meins í hægra hné.

Þessi 32 ára gamli framherji hefur verið heitur á tímabilinu og skorað 25 mörk í 49 leikjum. Þannig hjálpaði hann liðinu að vinna spænsku deildina annað árið í röð.





Ekki er hægt að gefa út hversu lengi Suarez verður frá en Börsungar reikna með því að hægt verði að meta það þegar læknirinn Dr. Cugat verði búinn að framkvæma aðgerðina.

Suarez spilaði allan leikinn á sínum gamla heimavelli á þriðjudagskvöldið er Barcelona kastaði frá sér 3-0 forystu gegn Liverpool í undanúrslitum Meistaradeildarinnar.

Liðið á þrjá leiki eftir á leiktíðinni. Leiki í deildinni gegn Betafe og Eibar áður en þeir mæta Valencia í úrslitaleik spænska bikarsins þann 25. maí.

Suarez mun ekki ná deildarleikjunum og ólíklegt er að hann spili í úrslitaleik spænska bikarsins.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.