Rakel skaut Reading áfram í bikarnum

Rakel Hönnudóttir reyndist hetja Reading þegar liðið sló Birmingham úr keppni í 16-liða úrslitum ensku bikarkeppninnar í dag.

Rakel hóf leik á varamannabekk Reading en kom inná á 81.mínútu. Þá var staðan 1-1 þar sem Birmingham hafði nýverið jafnað leikinn eftir að Reading skoraði fyrsta mark leiksins.

Rakel var aðeins búin að vera inná í rúmar tvær mínútur þegar hún kom Reading í 2-1 og reyndist það sigurmark leiksins. Í uppbótartíma nældi Rakel sér svo í gult spjald en það kom ekki að sök og Reading komið áfram.

Þetta var þriðji leikur Rakelar fyrir félagið en hún gekk nýverið í raðir þess og hefur heldur betur komið inn með trompi en hún skoraði tvö mörk í síðasta leik.

FULL TIME | Despite Mannion's penalty cancelling out Pearce's opener, super-sub Hönnudóttir scores the winning goal to send us through!#REAvBIR | 2-1 pic.twitter.com/4RM1rujdEk

— Reading FC Women (@ReadingFCWomen) February 17, 2019