Sólmundur Hólm undirbýr nú sýninguna Varist eftirhermur og mætti hann því í Harmageddon á föstudaginn þar sem hann tók nokkrar frábærar eftirhermur. Sóli sagði þeim Frosta og Mána frá því að þó hann hafi unnið sem skemmtikraftur í mörg ár hélt hann sína eigin sýningu í fyrsta sinn í fyrra. Nú er komið að annarri sýningu og verður hún frumsýnd í febrúar.

Sóli fór einnig yfir ferilinn og hvað hann hefði tekið sér fyrir hendur á undanförnum árum.

Hlusta má á viðtalið við Sóla hér að neðan. Eftirhermurnar hefjast eftir tæpar fimmtán mínútur þegar Sóli setur sig í spor Sigmundar Davíðs. Máni sagði ótrúlegt hve vel Sóla tækist að herma eftir fólki og honum liði eins og hann væri að hlusta á þá.