Tæplega 22 milljóna króna Lottóvinningur gekk út

Tveir deila með sér tæplega 22 milljóna króna Lottópotti kvöldsins. Annar miðinn var keyptur á bensínstöð N1 í Hrútafirði en hinn á netinu, að því er segir í tilkynningu frá Íslenskri getspá.

Fyrsti vinningur í kvöld nam 21.875.100 krónum og voru tveir með allar fimm tölurnar réttar. Þeir skipta því vinningnum með sér.

Enginn hlaut fyrsta vinning í Víkingalottói sem einnig var dregið út í. Þar var potturinn í fyrsta vinning kominn upp í tæpa 780 milljónir króna. Sömu sögu er að segja af fyrsta vinningi í Eurojackpot sem er kominn upp í rúman tvo og hálfan milljarð króna.