Messan: Körfuboltavöllur er minni en vítateigur

Hjörvar Hafliðason er brunnur af hinum ýmsa íþróttatengda fróðleik. Áhorfendur Messunnar á Stöð 2 Sport í gær fengu dropa úr brunninum þegar Hjörvar ákvað að fylla rólega stund í þættinum með skemmtilegum fróðleiksmola.

„Vítateigur er stærri en körfuboltavöllur,“ sagði Hjörvar við þáttastjórnandan Guðmund Benediktsson.

Reynir Leósson, annar gestur þáttarins, dró orð Hjörvars í efa og hann ráðlaggði honum þá bara að fara heim að mæla, harður á því að vera að fara með rétt mál.

Hjörvar fór svo sjálfur á Twitter eftir þáttinn í gær, var ekkert að bíða eftir mælingum Reynis, og sannaði mál sitt með staðreyndum.

@GummiBen Mjög mikill munur reyndar. Teigur 16,5m x 40,32m. Körfukast mest 15,2m x 28,7m. pic.twitter.com/AKyPxJvFjA

— Hjörvar Hafliðason (@hjorvarhaflida) February 4, 2018

Myndband af þessum óvænta fróðleiksmola Hjörvars og skemmtilegum viðbrögðum Gumma og Reynis við honum má sjá í spilaranum hér að ofan.