Lakari löggæsla og niðurbrotið vegakerfi: Ísland lakast Norðurlanda í umferðaröryggi

Lakari löggæsla og niðurbrotið vegakerfi er meðal þess að ekki hefur tekist að halda í við markmið um að fækka alvarlegum umferðarslysum hér á landi. Gríðarlegur kostnaður fellur á skattgreiðendur á ári hverju vegna umferðarslysa sem auðvelt væri að komast hjá með auknum forvörnum.

Í samgönguáætlun fyrir árin 2011 til 2022 er að finna umferðaröryggisáætlun þar sem stjórnvöld settu sér tvö markmið.

Hið fyrra var að vera í hópi þeirra þjóða þar sem fæstir látast í umferðinni á hverja milljón íbúa og hið síðara er að fækka látnum og alvarlega slösuðum í umferðinni um 5% á ári á tímabilinu.

Þórhildur Elín Elínardóttir, samskiptastjóri Samgöngustofu segir að öllum markmiðum verði ekki náð.

Í flestum tilfellum en niðurstaðan langt yfir þeim yfir- og undirmarkmiðum umferðaröryggisáætlunar.

Hámarksfjöldi látinna og alvarlegra slasaðra var 46% hærri en markmiðin gerðu ráð fyrir. Látin og alvarlega slösuð börn 100% fleiri. Þá má sjá að slasaðir óvarðir vegfarendur eru 130% fleiri og slasaðir útlendingar 213% fleiri.

Tvö markmið náðust hins vegar. Gert var ráð fyrir því að 215 umferðarslysum með aðild 17-20 ára einstaklinga en reyndust þau vera 196. Þá reyndust alvarlega slasaðir bifhjólamenn vera 18.

„Við verðum að leggja meira til málaflokksins og setja hann í raun hærra á forgangslistann ef við ætlum að sjá betri árangur,“ segir Þórhildur.

Fimmta árið í röð eru gatna mál Kringlumýrarbrautar og Miklubrautar hættulegustu gatnamót landsins. Markmið umferðaröryggisáætlunar á síðasta ári gerði ráð fyrir að ekki myndu fleiri en hundrað fjörutíu slasast alvarlega eða láta lífið í umferðinni. Raunin var hins vegar að tvö hundruð og fimm slösuðust alvarlega eða létu lífið í umferðinni og var því 46% yfir markmiðum umferðaröryggisáætlunar.

„Mannleg mistök koma nánast alltaf við sögu í umferðarslysum en auðvitað skiptir líka máli að vegakerfið geti tekið við öllum þessum fjölda sem við sjáum að hefur bæst við og svo þarf auðvitað löggæslan að vera í stakk búin til þess að nauðsynlegu eftirliti.

Samfélagslegur kostnaður af umferðarslysum er gríðarlegur og hleypur á um 500 milljörðum síðustu tíu ár. Hluti þess kostnaðar lendi á skattgreiðendum í formi hærri skatta og iðgjöldum til tryggingafélaga.

Þórhildur segir ástandið á Íslandi hvað umferðaröryggi varðar sínu verst eins og staðan er í dag.

„Í samanburði við Norðurlöndin sem eru auðvitað best í heimi að þá erum við ekki þar sem við viljum vera. Við erum lökust,“ segir Þórhildur.