Kim Kardashian setur reglur um símanotkun

Kim Kardashian segist ráðfæra sig við barnasálfræðing varðandi símanotkun barna til að vera vel undirbúin þegar hennar börn ná aldri til að byrja að nota samfélagsmiðla. Þetta kom fram á Beautycon-ráðstefnunni.

Kim, sem er þriggja barna móðir, hefur verið mjög áberandi á samfélagsmiðlum og er dugleg að nota þá í markaðssetningu, en hún hefur gefið út snyrtivörulínuna KKW sem seldi vörur fyrir rúmlega einn og hálfan milljarð á fyrstu klukkutímunum eftir að merkið fór í sölu. 

Þá segir Kim það vera mikilvægt að foreldrar noti ekki símann á matartímum, þar sem börn gætu þá farið að upplifa vinnu eða símtöl mikilvægari en fjölskylduna. 

„Þegar við vorum ung voru alltaf reglur í kringum notkun á heimasímanum og það sama ætti að gilda um snjallsíma. Þú ættir aldrei að sofa með símann við hliðina á þér.“, segir Kim, og mælir með því að foreldrar hafi ákveðin tímaramma fyrir símanotkun.