Fréttir Stöðvar 2 í beinni útsendingu

Katrín Jakobsdóttir forsætisráðherra furðar sig á yfirlýsingum formanns VR um skæruverkföll og segir hótanir af þessu tagi ekki líklegar til árangurs. Rætt verður við forsætisráðherra í fréttum Stöðvar 2.

Einnig verður rætt við Braga Guðbrandsson forstjóra Barnaverndarstofu en hann hefur verið sakaður um óeðlileg afskipti af máli sem var til meðferðar hjá barnaverndarnefnd á höfuðborgarsvæðinu. Bragi mætti í dag á fund velferðarnefndar Alþingis vegna málsins.

Þá verður sagt frá samdrætti í sölu á nýjum bílum og fjöldamótmælum í Armeníu sem hafa lamað samgöngur í landinu.​