Enski boltinn

Lingard: Vonandi getum við náð eins árangri

Jesse Lingard.
Jesse Lingard. vísir/getty
Jesse Lingard, leikmaður Manchester United, segir að hann vonist eftir því að hann, Rashford og Pogba nái jafn góðum árangri hjá félaginu og leikmenn eins og Paul Scholes, David Beckham og Ryan Giggs gerðu saman á sínum tíma.

 

Eins og vitað er þá komu Scholes, Beckham og Neville allir í aðallið United á sama tíma frá unglingaliðinu en eins og þessir leikmenn þá komu Lingard, Rashford og Pogba allir úr unglingastarfi United.

 

,,Þetta snýst allt um það að mynda nýja framtíð en þegar þú lítur á hvað þessir menn náðu að afreka saman þá er aðeins rétt að hugsa það að ég, Rashford og Pogba reynum að afreka svipaða hluti.”

 

,,Þeir komu allir í aðalliðið á sama tíma, en þeir leikmenn sem voru með mér í liði fóru allir eitthvert annað. Þess vegna er gaman að vera með einn aðeins yngri Manchester-strák í liðinu og einn sem kom hingað þegar hann var 16 ára, því við getum reynt að ná svipuðum árangri.”

 

Lingard spilaði sinn fyrsta leik fyrir United fyrir fjórum árum síðan en hefur átt erfitt með að vinna sér inn fast sæti í liðinu, þangað til á þessu tímabili en hann hefur skorað átta mörk og gefið fjórar stoðsendingar í deildinni.

 

Enski boltinn

Mest lesið


Fleiri fréttir

Sjá meira


×

Mest lesið