Sjáðu tvennu Hazard og uppgjör helgarinnar í enska │ Myndbönd

Eden Hazard fann marknetið tvisvar í 3-0 sigri Chelsea á botnliði West Bromwich Albion í lokaleik 27. umferðar ensku úrvalsdeildarinnar í gærkvöld.

Sigurinn var lífsnauðsynlegur fyrir Chelsea sem hafði tapað illa í síðustu tveimur umferðum. Liðið endurheimti fjórða sæti deildarinnar af Tottenham með sigri og Antonio Conte getur andað léttar.

Hins vegar gróf WBA sér dýpri holu á botninum, liðið er nú fimm stigum á eftir Stoke. Það er hins vegar mjótt á mununum frá 19. sætinu og upp í það 10., svo stuðningsmenn Albion þurfa ekki að örvænta alveg strax.

Mörk Chelsea og helstu atvik úr leiknum má sjá hér að ofan og uppgjör 27. umferðar hér fyrir neðan.