Messan fer yfir pressusókn City

Manchester City fór illa með Leicester í leik liðanna í ensku úrvalsdeildinni um helgina. Sérfræðingar Messunnar fóru yfir frábæra pressu í sókn City.

Fyrst gefur Kyle Walker lélega sendingu sem hann eltir svo sjálfur og pressar. Maguire nær að senda boltann á Kasper Schmeichel í markinu en þá kemur Sergio Aguero og pressar hann.

Schmeichel neyðist í lélega sendingu sem City menn vinna á miðjum vallarhelmingi Leicester. Þegar Kevin de Bruyne fékk boltann fóru báðir miðjumennirnir upp í pressuna svo miðverðirnir hafa ekki hugmynd um hvern þeir eiga að dekka.

Við það opnast fyrir Sergio Aguero sem skilar boltanum í netið.

Þessa frábæru greiningu má sjá í spilaranum hér að ofan.