Fangaði sprenginguna sem varð henni og fjórum öðrum að bana

Hermaðurinn og ljósmyndarinn Hilda I. Clayton fangaði sínar síðustu stundir og sprenginguna sem varð henni og fjórum öðrum að bana í Afganistan. Hin 22 ára gamla Clayton starfaði sem ljósmyndari fyrir herinn og var að þjálfa afganskan hermann í ljósmyndun og kvikmyndatöku þegar sprengjuvarpa sprakk í loft upp.

Afganski hermaðurinn lét einnig lífið og þrír hermenn sem voru að æfa notkun sprengjuvörpunnar sem sprakk. Þetta gerðist í júlí 2013 en herinn og Military Review hafa nú birt myndir sem Clayton og afganski ljósmyndarinn tóku á því augnabliki.

Í grein Military Review segir að tilgangur þess að birta myndirnar sé að stuðla að jafnrétti kynjanna innan hersins og sýna fram á hvernig kvenkyns hermenn eru sífellt meira að setja sig í hættu til jafns við karlkyns hermenn.

Myndirnar voru birtar með leyfi fjölskyldu Clayton.