Slógust vegna of hægs aksturs

Lögreglu barst tilkynning um umferðaróhpapp á Reykjanesbraut við Arnarnesveg klukkan korter yfir fimm í gærdag. Þetta kemur fram í dagbók lögreglu. Ökumennirnir, sem voru 67 og 23 ára, voru farnir að slást.

Vegfarandi sem kom að náði að stía mönnunum í sundur og voru þeir orðnir rólegri þear lögregla kom á vettvang. Virtist yngri ökumaðurinn pirraður vegna mjög hægs aksturs þess eldri á vinstri akrein Reykjanesbrautar.

Þá var maður handtekinn klukkan hálf átta í austurhluta borgarinnar grunaður um líkamsárás og húsbrot. Maðurinn var vistaður í fangageymslu fyrir rannsókn máls.

Tveir ökumenn voru í gærkvöldi stöðvaðir gruanður um akstur undir áhrifum fíkniefna. Annar reyndist aka án ökuréttinda.