Ölvaður undir stýri með barnsunga dóttur sína

Lögreglan á Suðurnesjum stöðvaði í gær ökumann á Þjóðbraut sem játaði að hafa neytt áfengis áður en að hann hóf akstur. Var hann með barnunga dóttur sína í bifreiðinni og færður á lögreglustöð.

Í tilkynningu frá lögreglunni segir að barnaverndaryfirvöldum hafi verið gert viðvart um málið.

„Þá voru sex ökumenn kærðir fyrir hraðakstur í vikunni og ók einn þeirra sviptur ökuréttindum. Fimm ökumenn voru sektaðir fyrir að aka á negldum hjólbörðum og loks voru skráningarnúmer fjarlægð af nokkrum bifreiðum sem ýmist voru óskoðaðar eða ótryggðar,“ segir í tilkynningunni.