Áfram heitt í veðri í dag

Í gær var einn hlýjasti dagur sumarsins í Reykjavík en þar mældist hitinn allt að 15 stig. Samkvæmt upplýsingum frá Veðurstofu Íslands verður áfram hlýtt í borginni í dag og víðar um landið.

„Það verður gott í dag líka en svo þykknar upp og fer að rigna á miðvikudaginn. Það fer líka að kólna um næstu helgi, það er ekki allt of glæsilegt veður,“ segir Þorsteinn V. Jónsson, veðurfræðingur hjá Veðurstofu Íslands.

„Það verður ekki eins hlýtt í dag og í gær en upp í nítján stig sums staðar. Það fer að hlýna heldur fyrir norðan og austan í dag, en það hefur verið svalt þar,“ segir Þorsteinn.

Mikið blíðskaparveður var víða um landið á sunnudag og var hitinn í gær sá mesti í vikunni í Reykjavík.