Eldur kom upp í skipi við Þorlákshöfn

Eldur kviknaði í mannlausu 150 tonna stálfiskiskipi í nótt, þar sem það lá við bryggju í Þorlákshöfn. Áhöfn á báti, sem var að koma í land tilkynnti um reyk frá skipinu og gerði viðvart.

Slökkvilið frá Brunavörnum Árnessýslu var sent á vettvang og hefur dælt vatni og sjó ofan í íbúðir áhafnar fremst í skipinu, en eldurinn sjálfur hefur ekki sést.

Níu manna áhöfn yfirgaf skipið um níu leitið í gærkvöldi og var þá allt í lagi. Slökkviliðsmenn voru enn við störf á sjöunda tímanum i morgun og óljóst er hversu tjónið er mikið eða hver eldsupptökin voru