Fréttir Stöðvar 2 - Styttist í frumsýningu Ég man þig

Það styttist í stóru stundina hjá Óskari Þór Axelssyni leikstjóra og þeim sem komu að gerð kvikmyndarinnar Ég man þig. Hátíðarfrumsýning kvikmyndarinnar er í Háskólabíói í kvöld og formleg frumsýning á föstudaginn.

Kvikmyndin er byggð á samnefndri metsölubók eftir Yrsu Sigurðardóttur sem selst hefur í um þrjátíu þúsund eintökum.

 Óskar Þór Axelsson, leikstjóri, mætir í settið hjá Telmu Tómasson í kvöldfréttum Stöðvar 2 í kvöld til að ræða myndina, gerð hennar og auðvitað hina miklu ábyrgð sem fylgir því að færa svo vinsæla skáldsögu á hvíta tjaldið.

Fréttir Stöðvar 2 hefjast klukkan 18:30 á samtengdum rásum Stöðvar 2 og Bylgjunnar, og í beinni útsendingu á fréttavefnum Vísi.