Rifflarnir í Borgarbyggð hljóðlátari en uppþvottavél

Stefán I. Ólafsson, hjá Skotfélagi Vesturlands, segir félagið stefna eindregið að því að notkun hljóðdeyfa verði almenn á skotsvæðum félagsins.

Fram kemur í erindi Stefáns til Borgarbyggðar, vegna umsóknar um æfingasvæði í Hamarslandi, að notkun hljóðdeyfa, sem nú sé leyfileg á öllum stærri rifflum, dragi að meðaltali úr hljóði um 30 dB. 

„Og ef við drögum 30 frá þá erum við komin niður fyrir hljóðlátustu uppþvottavélar svo fólk geri sér grein fyrir hávaðanum,“ segir Stefán.