Tíu ára trommari vann danska Talent: Stúlkan sem vann hug og hjörtu dönsku þjóðarinnar

Johanne Astrid Poulsen er tíu ára dönsk stúlka sem gerði sér lítið fyrir og vann raunveruleikaþáttinn Danmark Har Talent á dögunum.

Poulsen er trommari og vann hún hug og hjörtu dönsku þjóðarinnar. Stúlkan vakti strax gríðarlega mikla athygli þegar hún mætti í fyrstu áheyrnarprufuna og dómararnir féllu umsvifalaust fyrir henni.

Í keppninni hefur hún farið á kostum með trommukjuðana og meðal annars tekið lög með sveitunum Rage Against The Machine og Led Zeppelin.

Hér að neðan má sjá leið Poulsen í keppninni.