Ekkert umburðarlyndi vegna hótana í garð lögreglumanna Aðalheiður Ámundadóttir skrifar 20. nóvember 2017 07:00 Brotum gegn valdstjórninni fjölgar og þolinmæði fyrir fyllirísrugli er lítil. Fréttablaðið/Daníel „Einu sinni var það þannig að ef maður sagði löggunni að halda kjafti þá var ekkert hlustað á það. Í dag er ákært fyrir hvert einasta fyllirísröfl,“ segir Stefán Karl Kristjánsson hæstaréttarlögmaður um ákærur og dóma fyrir valdstjórnarbrot. Refsivernd lögreglumanna var aukin 2007 og refsirammi fyrir brot gegn valdstjórninni hækkaður úr sex í átta ár að hámarki. Síðan þá hefur umburðarlyndi lögreglu gagnvart hvers kyns hótunum og ofbeldi gegn lögreglumönnum snarminnkað og málafjöldi í valdstjórnarbrotum hefur aukist mjög. Fyrir breytinguna var að jafnaði ákært í innan við helmingi þeirra mála sem kærð voru en eftir breytinguna fjölgaði málum mjög og að meðaltali er ákært í 80 prósentum kærðra mála.Kolbrún Benediktsdóttir, varahéraðssaksóknari. Fréttablaðið/ValliEkki er gerður nægilegur greinarmunur á alvarleika mála í dómaframkvæmdinni að mati viðmælenda Fréttablaðsins. „Það er orðin til mjög fastmótuð dómvenja um 30 daga skilorðsbundið fangelsi fyrir að hóta lögreglumanni en 60 dagar fyrir ofbeldi gegn lögreglumanni. Þetta eru mjög vægar refsingar miðað við að refsiramminn er átta ára fangelsi,“ segir Kolbrún Benediktsdóttir varahéraðssaksóknari og bætir við: „Það mætti hífa refsingar fyrir alvarlegri brotin upp ef við myndum vinsa út þau brot sem eru í rauninni ekki alvarleg,“ segir Kolbrún og vísar til innihaldslausra hótana drukkinna ungmenna í garð lögreglu. Kolbrún segir að beita megi öðrum og vægari úrræðum eins og ákærufrestun til dæmis í vægum brotum ungmenna á aldrinum 15 til 21 árs og falla frá saksókn þegar menn sýna mikla iðrun. „Um tíma vorum við með hluta af valdstjórnarbrotunum í sáttamiðlun og það fannst mér mjög gott. Þar komu ungir krakkar inn sem voru að stíga sín fyrstu skref út af sporinu og við erum að reyna að stoppa þá þróun,“ segir Kolbrún og nefnir dæmi um ungmenni í sáttamiðlun sem fékk að eyða tíma með forvarnardeild lögreglu og kynnast störfum og verkefnum lögreglunnar. „Þetta er svo miklu vænlegra til árangurs held ég, varðandi til dæmis virðingu fyrir lögreglunni og störfum hennar,“ segir Kolbrún.Snorri Magnússon, formaður Landssambands lögreglumanna.„Við lögðumst alfarið gegn því að hluti þessara mála fari í sáttamiðlunarferli,“ segir Snorri Magnússon, formaður Landssambands lögreglumanna. „Ástæðan er sú að lögreglumaðurinn, sem hótað er, er fulltrúi valdstjórnarinnar. Hann er fulltrúi valds sem honum er falið með lögum. Það er ekki verið að hóta persónunni heldur embættinu. Á þeim forsendum mótmæltum við því að þessi mál fari í svona sáttamiðlun. Við hjá Landssambandi lögreglumanna höfum alltaf lagt á það mikla áherslu að þessi mál séu tekin alvarlega. Það er verið að hóta samfélaginu en ekki persónunni á bak við einkennisfatnaðinn.“ Snorri segir lagabreytinguna hafa verið gerða eftir töluverðan þrýsting frá Landsambandinu. „Þá var kannski ekki ígrundað nægilega hvaða áhrif það hefði,“ segir Snorri og bætir við: „Við höfum gagnrýnt þessa framkvæmd frá því refsiramminn var hækkaður að það er ekki verið að nýta hann nægilega.“ Hann segist þó ekki sammála því að fækka ætti ákærum og einblína á alvarlegri málin. „Fyrst og fremst verðum við að treysta á almenna skynsemi dómara þegar verið er að kveða upp dóm.“ Birtist í Fréttablaðinu Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira
„Einu sinni var það þannig að ef maður sagði löggunni að halda kjafti þá var ekkert hlustað á það. Í dag er ákært fyrir hvert einasta fyllirísröfl,“ segir Stefán Karl Kristjánsson hæstaréttarlögmaður um ákærur og dóma fyrir valdstjórnarbrot. Refsivernd lögreglumanna var aukin 2007 og refsirammi fyrir brot gegn valdstjórninni hækkaður úr sex í átta ár að hámarki. Síðan þá hefur umburðarlyndi lögreglu gagnvart hvers kyns hótunum og ofbeldi gegn lögreglumönnum snarminnkað og málafjöldi í valdstjórnarbrotum hefur aukist mjög. Fyrir breytinguna var að jafnaði ákært í innan við helmingi þeirra mála sem kærð voru en eftir breytinguna fjölgaði málum mjög og að meðaltali er ákært í 80 prósentum kærðra mála.Kolbrún Benediktsdóttir, varahéraðssaksóknari. Fréttablaðið/ValliEkki er gerður nægilegur greinarmunur á alvarleika mála í dómaframkvæmdinni að mati viðmælenda Fréttablaðsins. „Það er orðin til mjög fastmótuð dómvenja um 30 daga skilorðsbundið fangelsi fyrir að hóta lögreglumanni en 60 dagar fyrir ofbeldi gegn lögreglumanni. Þetta eru mjög vægar refsingar miðað við að refsiramminn er átta ára fangelsi,“ segir Kolbrún Benediktsdóttir varahéraðssaksóknari og bætir við: „Það mætti hífa refsingar fyrir alvarlegri brotin upp ef við myndum vinsa út þau brot sem eru í rauninni ekki alvarleg,“ segir Kolbrún og vísar til innihaldslausra hótana drukkinna ungmenna í garð lögreglu. Kolbrún segir að beita megi öðrum og vægari úrræðum eins og ákærufrestun til dæmis í vægum brotum ungmenna á aldrinum 15 til 21 árs og falla frá saksókn þegar menn sýna mikla iðrun. „Um tíma vorum við með hluta af valdstjórnarbrotunum í sáttamiðlun og það fannst mér mjög gott. Þar komu ungir krakkar inn sem voru að stíga sín fyrstu skref út af sporinu og við erum að reyna að stoppa þá þróun,“ segir Kolbrún og nefnir dæmi um ungmenni í sáttamiðlun sem fékk að eyða tíma með forvarnardeild lögreglu og kynnast störfum og verkefnum lögreglunnar. „Þetta er svo miklu vænlegra til árangurs held ég, varðandi til dæmis virðingu fyrir lögreglunni og störfum hennar,“ segir Kolbrún.Snorri Magnússon, formaður Landssambands lögreglumanna.„Við lögðumst alfarið gegn því að hluti þessara mála fari í sáttamiðlunarferli,“ segir Snorri Magnússon, formaður Landssambands lögreglumanna. „Ástæðan er sú að lögreglumaðurinn, sem hótað er, er fulltrúi valdstjórnarinnar. Hann er fulltrúi valds sem honum er falið með lögum. Það er ekki verið að hóta persónunni heldur embættinu. Á þeim forsendum mótmæltum við því að þessi mál fari í svona sáttamiðlun. Við hjá Landssambandi lögreglumanna höfum alltaf lagt á það mikla áherslu að þessi mál séu tekin alvarlega. Það er verið að hóta samfélaginu en ekki persónunni á bak við einkennisfatnaðinn.“ Snorri segir lagabreytinguna hafa verið gerða eftir töluverðan þrýsting frá Landsambandinu. „Þá var kannski ekki ígrundað nægilega hvaða áhrif það hefði,“ segir Snorri og bætir við: „Við höfum gagnrýnt þessa framkvæmd frá því refsiramminn var hækkaður að það er ekki verið að nýta hann nægilega.“ Hann segist þó ekki sammála því að fækka ætti ákærum og einblína á alvarlegri málin. „Fyrst og fremst verðum við að treysta á almenna skynsemi dómara þegar verið er að kveða upp dóm.“
Birtist í Fréttablaðinu Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira