Bayern Munchen vill fá Lukaku

Forráðamenn þýska stórliðsins Bayern Munchen vilja fá framherjann Romelu Lukaku til liðsins en hann er leikmaður Everton í dag.

Carlo Ancelotti, knattspyrnustjóri Bayern Munchen, er að sögn mjög spenntur fyrir Belganum og segir í erlendum miðlum að félagið muni koma til með að bjóða 55 milljónir punda í leikmanninn næsta sumar.

Lukaku mun hafa metnað fyrir því að spila í Meistaradeild Evrópu og þykir því líklegt að hann taki vel í það að flytja sig um set og fara til Þýskalandsmeistarana.