Vill sálfræðiþjónustu í alla framhaldsskólana

Sigríður Ingibjörg Ingadóttir, þingmaður Samfylkingarinnar, hefur lagt fram á Alþingi þingsályktunartillögu þess efnis að mennta- og menningarmálaráðherra verði falið að sjá til þess að frá og með skólaárinu 2017-2018 verði öllum framhaldsskólanemum tryggt aðgengi að sálfræðiþjónustu innan veggja skólanna þeim að kostnaðarlausu.

Vakin er athygli á því að í Hvítbók ráðherra um úrbætur í menntun komi fram að aðeins 44 prósent íslenskra framhaldsskólanema ljúka námi á tilsettum tíma. Ungt fólk hverfur frá námi og það megi að hluta rekja til slæmrar geðheilsu ungmenna hér á landi.

Fréttin birtist fyrst í Fréttablaðinu 21. mars.