Rætt við fjármálaráðherra í kvöldfréttum Stöðvar 2

Í kvöldfréttum Stöðvar 2 verður rætt við Bjarna Benediktsson, fjármála- og efnahagsráðherra, sem segir gjaldeyrisútboð Seðlabanka Íslands í dag vera lykilskref í átt að afnámi fjármagnshafta.

Einnig verður fjallað um aukna smáskjálftavirkni í Öræfajökli sem vísindamenn telja vert að fylgjast með. Þá heyrum við í vegfarendum um frumvarpsdrög sem gera ráð fyrir afnámi mannanafnanefndar. Skiptar skoðanir eru um málið.

Þá fylgjumst við með frjósömu álftapari í Elliðaárdal sem syndir nú um með sex unga í lóninu við Árbæjarstíflu. Nágrannar telja skýringuna á frjóseminni vera þá að kvenfuglinn hafi yngt upp og fengið sér ungan stegg þegar sá gamli var orðinn haltur.

Þetta og miklu meira til í kvöldfréttum Stöðvar 2, klukkan 18.30 á samtengdum rásum Stöðvar 2 og Bylgjunnar og í beinni útsendingu hér á Vísi.