Innlent

Slökkviliðið þegar dælt uppúr fjórum kjöllurum

Jakob Bjarnar skrifar
Vatnselgur er nú á götum og hefur slökkviliðið nú þegar verið kallað út til að dæla uppúr fjórum kjöllurum.
Vatnselgur er nú á götum og hefur slökkviliðið nú þegar verið kallað út til að dæla uppúr fjórum kjöllurum. visir/eyþór

Slökkviliðið hefur verið kallað út fjórum sinnum í kvöld vegna leka í kjallara. Það er í viðbragðsstöðu því gert er ráð fyrir áframhaldandi rigningu.

Óttar Karlsson er innivarðstjóri hjá Slökkviliðinu á höfuðborgarsvæðinu og hann segir að útköll hafi byrjað uppúr klukkan sjö í kvöld. Þá hafi slökkviliðið verið kallað út vegna vatnsleka í kjöllurum. Hann segir að það hafi verið meira en það er þá yfirleitt vegna asahláku og stíflaðra niðurfalla. Þetta sé með því meira þegar frá eru taldar slíkar aðstæður.

Slökkviliðið hefur verið kallað út í Hafnarfjörðinn og svo í Reykjavík. „Við erum ekki með það á hreinu hversu mikið tjón er þessu samfara. En, þetta eru oft gömul hús þar sem kjallarar eru slappir. Ekki nógu gott dren í kringum húsin,“ segir Óttar.

Slökkviliðið er í viðbragðsstöðu en þeir hafa yfir að ráða dælum og svo eru þeir með öflugar vatnssugur. „Við erum við öllu búnir og í viðbragðsstöðu.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.