Hanna Katrín leiðir Viðreisn í Reykjavík suður

Hanna Katrín Friðriksson framkvæmdastjóri hjá Icepharma leiðir lista Viðreisnar í Reykjavíkurkjördæmi suður fyrir þingkosningar sem verða þann 29. október næstkomandi. Pawel Bartoszek stærðfræðingur og pistlahöfundur skipar annað sæti listans og Dóra Sif Tynes héraðsdómslögmaður er í þriðja sæti.

Í samtali við Vísi segir Hanna Katrín að hún hafi alla tíð haft áhuga á stjórnmálum í sinni víðustu mynd en hún hefur fylgst náið með stofnun Viðreisnar undanfarin ár og að einhverju leyti komið að henni.

„Svo þegar flokkurinn var endanlega stofnaður í maí síðastliðnum þá fór ég að velta alvarlega fyrir mér að taka þetta alla leið og ég ákvað á endanum að slá til,“ segir Hanna Katrín.

Þó vissulega sé erfitt að lesa í skoðanakannanir þegar svo langt er til kosninga þá er allt eins líklegt að Hanna Katrín sé á leið inn á þing. Aðspurð hvernig það leggst í hana segir hún:

„Það er eiginlega allt að því sorglegt að síðasta hindrunin sem ég þurfti að yfirstíga varðandi þessa ákvörðun mína að fara á fullt í stjórnmálin er þetta andrúmsloft sem ríkir í kringum þau hér á landi, en ég hélt einmitt að sú nálgun sem Viðreisn boðar verði sterk viðleitni til að breyta þessu. Þessi áhersla flokksins á almannahagsmuni umfram sérhagsmuni og kerfisbreytingar held ég að geti orðið til þess að byggja upp traust á stjórnmálunum á ný og breyta orðræðunni í kringum þau.“

Lista Viðreisnar í Reykjavík suður má sjá í heild sinni hér að neðan:

1.    Hanna Katrín Friðriksson, framkvæmdastjóri

2.    Pawel Bartoszek, stærðfræðingur

3.    Dóra Sif Tynes, héraðsdómslögmaður

4.    Geir Finnsson, háskólanemi

5.    Sigríður María Egilsdóttir, laganemi

6.    Lárus Elíasson, vélaverkfræðingur

7.    Margrét Cela, verkefnastjóri

8.    Jón Bjarni Steinsson, framkvæmdastjóri

9.    Sigrún Helga Lund, tölfræðingur

10.    Sigurjón Arnórsson, verkefnastjóri

11.    Kolbrún Pálsdóttir, stjórnmálafræðinemi

12.    Ingólfur Hjörleifsson, rafmagnsverkfræðingur og framhaldsskólakennari

13.    Signý Hlín Halldórsdóttir, BA í uppeldis- og menntunarfræðum

14.    Ólafur Ó. Guðmundsson, yfirlæknir

15.    Berglind K. Þórsteinsdóttir, MA félagsráðgjafi

16.    Sigurbjörn Sveinsson, heilsugæslulæknir

17.    Jóhanna E. Sveinsdóttir, viðskiptafræðingur  

18.    Daði Guðbjörnsson, listmálari

19.    Lilja Hilmarsdóttir, fararstjóri

20.    Ari Jónsson,  fyrrverandi markaðs- og vörustjóri

21.    Bylgja Tryggvadóttir, húsmóðir

22.    Davíð Scheving Thorsteinsson, framkvæmdastjóri