Unnsteinn Manúel verður stigakynnir í Eurovision

sunna karen sigurþórsdóttir skrifar 14. maí 2016 10:55

Tónlistarmaðurinn Unnsteinn Manúel Stefánsson verður stigakynnir Íslands í Eurovision. Úrslitakvöld keppninnar fer fram í Globen-höllinni í Stokkhólmi í kvöld.

Ísland verður önnur þjóðin af fjörutíu og tveimur sem tilkynnir stigin. Unnsteinn mun einungis tilkynna stig íslensku dómnefndarinnar, en sænsku kynnarnir tilkynna sjálfir stig úr símakosningunni.

Líkt og fram hefur komið keppir Ísland ekki til úrslita í söngvakeppninni. Raunar komst engin Norðurlandaþjóð upp úr undanriðlum keppninnar þetta árið, og verða gestgjafarnir, Svíþjóð, því eina Norðurlandaþjóðin sem tekur þátt í úrslitakeppninni.

Gísli Marteinn Baldursson verður kynnir.

Tengdar fréttir

Nöfn þeirra sem skipa íslensku dómnefndina í Eurovision

Áhorfendur taka þátt í símakosningunni og þá mun fimm manna dómnefnd frá Íslandi einnig hafa sitt að segja.

13. maí 2016 16:41

Norðmenn og Danir kenna sjálfum sér um dapurt gengi í Eurovision

Danir á því að atriði þeirra hafi verið litlaust og flatt en Norðmenn segja Evrópu ekki hafa skilið lagið sitt.

13. maí 2016 14:29

Leiðarvísir að Eurovision-partíi

Þá er hin eina sanna Eurovision-helgi gengin í garð og þó að Greta okkar stígi ekki á svið í kvöld þá þýðir það ekki að það verði engin Eurovision-partí. Hóaðu í búningapartí, klæddu þig upp sem uppáhalds Eurovision-keppandinn þinn og keyrðu þetta í gang!

14. maí 2016 10:00