"Sprengjan" reyndist æfingartæki

Pakkinn sem fannst á Old Trafford í dag og flestir héldu að væri sprengja reyndist æfingartæki frá því á æfingu í síðustu viku.

Leik Man. Utd og Bournemouth var frestað eftir að pakkinn fannst í norð-vestur stúkunni, en fyrst var byrjað að tæma hálfa stúkuna.

Lögreglan staðfesti svo nú undir kvöld að pakkinn hefði verið skilinn eftir af einka-fyrirtæki sem hélt æfingu á vellinum á miðvikudaginn.

Leikurinn verður spilaður á þriðjudag, en allar fréttir Vísis frá málinu í dag má lesa hér að neðan.