Dæmdur fyrir kynferðisbrot á Sogavegi Kolbeinn Tumi Daðason skrifar 9. október 2015 16:58 Maðurinn var dæmdur fyrir kynferðislega áreitni á bílastæðinu hjá Fiskikónginum á Sogavegi. Vísir/Arnþór 28 ára karlmaður var á dögunum dæmdur í þriggja mánaða skilorðsbundið fangelsi fyrir kynferðislega áreitni í garð konu sem hann hitti fyrir tilviljun á Laugaveginum í miðbæ Reykjavíkur í október 2013. Konan, sem hafði orðið viðskila við vinkonu sína og var símalaus, segir manninn hafa sagt sér að hann væri leigubílsstjóri og boðist til að skutla sér heim. Hún þáði boðið. Fljótlega hafi hún áttað sig á því að maðurinn var ekki leigubílstjóri en maðurinn kom fyrst við á heimili sínu og bauð henni inn.Ræddu um uppáhaldsmatinn Atburðarásin í málinu liggur nokkuð ljós fyrir og ber þeim saman um hvað fór fram í bílnum að flestu leyti. Konan neitaði að fara inn til mannsins og ítrekaði að hún vildi bara fara heim. Á ferð þeirra spurði maðurinn konuna hver væri uppáhaldsmatur hans og svaraði hún slátur. Í kjölfarið ók maðurinn að bílastæðinu hjá Fiskikónginum við Sogaveg og lagði þar bílnum. Óhætt er að segja að upplifun þeirra af því sem fram fór í bílnum sé ólík þótt atburðarásin sé svipuð. Konan segir manninn hafa kysst sig blautum kossum sem hún hafi ekki svarað heldur hafi hún verið alveg stjörf. Endurtekið hafi hún svarað að hún vildi bara komast heim. Maðurinn hafi reynt að láta konuna fróa sér og veita sér munnmök sem hún hafi náð að koma í veg fyrir.Skildi konuna þannig að hana langaði í „slátur“ Maðurinn sagðist hafa haldið að konan væri í orðaleikjum við sig þegar hún sagði uppáhaldsmat sinn vera slátur. Hefði hann skilið konuna á þann veg að hana langaði í slátur og ætti við getnaðarlim hans. Hún myndi vilja sýna honum hvað hún kynni. Hann viðurkenndi að hafa á endanum, eftir atlot sem hún hafi ekki haft á móti, klætt sig úr buxunum og hafa beint líkama hennar að lim hans og höfuðið stefnt að limnum. Að lokum varð manninum ljóst að konan vildi ekki náin kynni með honum og ók áleiðis í miðborgina þar sem hún átti heima. Við Alþingisreitinn var bifreiðin svo stöðvuð. Sagði maðurinn lögreglu fyrst að hann væri með frænku sína í bílnum en greinilegt var að konan var skelkuð. Svo greindi hún frá því að hún þekkti manninn ekki neitt en á sama tíma talaði hann um hana sem ástina sína.Dómur var kveðinn upp í Héraðsdómi Reykjavíkur þann 25. september.Vísir/ValliFramburður konunnar trúverðugur Áður en aðalmeðferð í málinu hófst var kröfu ákærða um frávísun á grundvelli þess að rannsókn málsins væri ábótavant hafnað. Rök ákærða voru þau að rannsókn lögreglu hefði hafist á grundvelli hugboðs og án þess að fyrir lægi kæra, skýrsla eða frásögn. Maðurinn var ákærður fyrir kynferðislega áreitni á meðan á bílferð stóð en þeim hluta var vísað frá af því engar lýsingar um hvað þar fór fram var að finna í ákæru. Hann var einnig ákærður fyrir kynferðislega áreitni á bílastæðinu og hlaut sem fyrr segir þriggja mánaða skilorðsbundinn dóm fyrir þann hluta. Í dómnum segir að framburður konunnar fyrir dómi sé trúverðugur og styðjist við framburð vitna, lögreglumanna á vettvangi og lögreglustöð, móður hennar og vinkonu auk sálfræðings sem sagði konuna hafa verið veika vegna atvika á fyrri skeiðum. Slíkum einstaklingum hætti einmitt til að verða fórnarlömb ofbeldismanna. Braut gegn konunni Það er niðurstaða dómsins að manninum hefði ekki átt að geta dulist að konan var mótfallin því að hafa við hann kynferðisleg samskipti. „Þetta átti honum að verða ljóst eigi síðar en þegar hún vildi ekki fara með honum inn á heimili hans. Engu að síður ók hann að nefndu bílastæði og áreitti brotaþola þar eins og rakið var. Með þessu gerðist hann sekur um kynferðislega áreitni gagnvart brotaþola og braut þar með gegn henni eins og honum er gefið að sök í ákæru.“ Þar sem maðurinn hafði ekki áður gerst sekur um hegningarlagabrot þótt hæfileg refsing vera þriggja mánaða skilorðsbundinn dómur. Þá þarf hann að greiða konunni 400 þúsund krónur í bætur.Dóminn í heild sinni má lesa hér. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Spánverjar neita skipi með vopn innanborðs um að leggja að bryggju Erlent Svona voru kappræður sex efstu í baráttunni um Bessastaði Innlent Treysta sér til þess að vernda þjóðkirkjuna Innlent Katrín tekur forystuna á ný og Halla T í sókn Innlent Kviknaði í bensínbíl í akstri á Dalbraut Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Magnús Geir vill fimm ár í viðbót í Þjóðleikhúsinu Innlent Fleiri fréttir Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Sjá meira
28 ára karlmaður var á dögunum dæmdur í þriggja mánaða skilorðsbundið fangelsi fyrir kynferðislega áreitni í garð konu sem hann hitti fyrir tilviljun á Laugaveginum í miðbæ Reykjavíkur í október 2013. Konan, sem hafði orðið viðskila við vinkonu sína og var símalaus, segir manninn hafa sagt sér að hann væri leigubílsstjóri og boðist til að skutla sér heim. Hún þáði boðið. Fljótlega hafi hún áttað sig á því að maðurinn var ekki leigubílstjóri en maðurinn kom fyrst við á heimili sínu og bauð henni inn.Ræddu um uppáhaldsmatinn Atburðarásin í málinu liggur nokkuð ljós fyrir og ber þeim saman um hvað fór fram í bílnum að flestu leyti. Konan neitaði að fara inn til mannsins og ítrekaði að hún vildi bara fara heim. Á ferð þeirra spurði maðurinn konuna hver væri uppáhaldsmatur hans og svaraði hún slátur. Í kjölfarið ók maðurinn að bílastæðinu hjá Fiskikónginum við Sogaveg og lagði þar bílnum. Óhætt er að segja að upplifun þeirra af því sem fram fór í bílnum sé ólík þótt atburðarásin sé svipuð. Konan segir manninn hafa kysst sig blautum kossum sem hún hafi ekki svarað heldur hafi hún verið alveg stjörf. Endurtekið hafi hún svarað að hún vildi bara komast heim. Maðurinn hafi reynt að láta konuna fróa sér og veita sér munnmök sem hún hafi náð að koma í veg fyrir.Skildi konuna þannig að hana langaði í „slátur“ Maðurinn sagðist hafa haldið að konan væri í orðaleikjum við sig þegar hún sagði uppáhaldsmat sinn vera slátur. Hefði hann skilið konuna á þann veg að hana langaði í slátur og ætti við getnaðarlim hans. Hún myndi vilja sýna honum hvað hún kynni. Hann viðurkenndi að hafa á endanum, eftir atlot sem hún hafi ekki haft á móti, klætt sig úr buxunum og hafa beint líkama hennar að lim hans og höfuðið stefnt að limnum. Að lokum varð manninum ljóst að konan vildi ekki náin kynni með honum og ók áleiðis í miðborgina þar sem hún átti heima. Við Alþingisreitinn var bifreiðin svo stöðvuð. Sagði maðurinn lögreglu fyrst að hann væri með frænku sína í bílnum en greinilegt var að konan var skelkuð. Svo greindi hún frá því að hún þekkti manninn ekki neitt en á sama tíma talaði hann um hana sem ástina sína.Dómur var kveðinn upp í Héraðsdómi Reykjavíkur þann 25. september.Vísir/ValliFramburður konunnar trúverðugur Áður en aðalmeðferð í málinu hófst var kröfu ákærða um frávísun á grundvelli þess að rannsókn málsins væri ábótavant hafnað. Rök ákærða voru þau að rannsókn lögreglu hefði hafist á grundvelli hugboðs og án þess að fyrir lægi kæra, skýrsla eða frásögn. Maðurinn var ákærður fyrir kynferðislega áreitni á meðan á bílferð stóð en þeim hluta var vísað frá af því engar lýsingar um hvað þar fór fram var að finna í ákæru. Hann var einnig ákærður fyrir kynferðislega áreitni á bílastæðinu og hlaut sem fyrr segir þriggja mánaða skilorðsbundinn dóm fyrir þann hluta. Í dómnum segir að framburður konunnar fyrir dómi sé trúverðugur og styðjist við framburð vitna, lögreglumanna á vettvangi og lögreglustöð, móður hennar og vinkonu auk sálfræðings sem sagði konuna hafa verið veika vegna atvika á fyrri skeiðum. Slíkum einstaklingum hætti einmitt til að verða fórnarlömb ofbeldismanna. Braut gegn konunni Það er niðurstaða dómsins að manninum hefði ekki átt að geta dulist að konan var mótfallin því að hafa við hann kynferðisleg samskipti. „Þetta átti honum að verða ljóst eigi síðar en þegar hún vildi ekki fara með honum inn á heimili hans. Engu að síður ók hann að nefndu bílastæði og áreitti brotaþola þar eins og rakið var. Með þessu gerðist hann sekur um kynferðislega áreitni gagnvart brotaþola og braut þar með gegn henni eins og honum er gefið að sök í ákæru.“ Þar sem maðurinn hafði ekki áður gerst sekur um hegningarlagabrot þótt hæfileg refsing vera þriggja mánaða skilorðsbundinn dómur. Þá þarf hann að greiða konunni 400 þúsund krónur í bætur.Dóminn í heild sinni má lesa hér.
Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Spánverjar neita skipi með vopn innanborðs um að leggja að bryggju Erlent Svona voru kappræður sex efstu í baráttunni um Bessastaði Innlent Treysta sér til þess að vernda þjóðkirkjuna Innlent Katrín tekur forystuna á ný og Halla T í sókn Innlent Kviknaði í bensínbíl í akstri á Dalbraut Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Magnús Geir vill fimm ár í viðbót í Þjóðleikhúsinu Innlent Fleiri fréttir Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Sjá meira