Myndir af myrkvanum

Almyrkvi var á tunglinu í nótt og sást hann að öllu leyti frá Íslandi, þar sem veður leyfði. Tunglið varð blóðrautt á himninum skömmu eftir klukkan tvö í nótt.

Vísir auglýsti í gær eftir myndum frá lesendum og voru viðbrögðin góð. Myndir hafa meðal annars verið sendar frá Bandaríkjunum, Portúgal og Bretlandi. Þessi mynd hér hefur vakið mikla athygli á internetinu í morgun.

Samkvæmt Stjörnufræðivefnum verða tunglmyrkvar þegar sólin, Jörðin og tunglið liggja hér um bil í beinni línu. Því verða þeir aðeins þegar tungl er fullt og gengur inn í skugga Jarðar.

Viðar Freyr gerði meðfylgjandi myndband.