Hrakin á brott úr flokki forseta

Joyce Mujuru, fyrrverandi varaforseti Simbabve, hefur verið rekin úr flokknum Zanu-PF, sem er flokkur forsetans Roberts Mugabe sem setið hefur á stóli forseta í 35 ár.

Mujuru þótti eitt sinn líkleg til að taka við stjórntaumum í landinu af Mugabe en lenti upp á kant við eiginkonu hans. Í desember var hún rekin úr embætti varaforseta og sökuð um að ætla að ráða forsetann af dögum. Grace, 49 ára eiginkona Mugabes, hefur tekið við flestum verkefnum Mujuru innan flokksins.