Nakinn maður gekk fyrir bíla á Sæbrautinni

Tilkynnt var til lögreglu um karlmann á göngu á Sæbrautinni í Reykjavík rétt fyrir hádegi í dag. Var maðurinn nakinn og ráfandi fyrir bifreiðar, að því er segir í fréttatilkynningu lögreglunnar.

Samkvæmt tilkynningunni reyndist maðurinn í mikilli vímu. Hann var fluttur í klefa í lögreglustöðinni á Hverfisgötu til að sofa af sér vímuna.

Í dag hefur lögreglu á höfuðborgarsvæðinu jafnframt borist þrjár tilkynningar um innbrot í bifreið. Einnig var tilkynnt um þjófnað á vínflöskum af hóteli í miðborginni.