Myndbandið er tekið upp á Suðurlandi þar sem Bieber heimsótti Skógafoss, Seljalandsfoss og Sólheimasand.Vísir
Poppstjarnan Justin Bieber fagnar því á Instagram-síðu sinni í kvöld að nýtt kynningarmyndband fyrir væntanlegu plötuna Purpose er komið út og hefur slegið í gegn. Myndbandið er tekið upp í heimsókn söngvarans til Íslands og skrifar hann „Takk Ísland“ með mynd sem hann birtir á síðu sinni.
Nærri ein og hálf milljón manna hefur horft á nýja myndbandið frá því að það var sett á YouTube fyrr í dag. Platan Purpose verður gefin út þann 13. nóvember næstkomandi.
