Oddviti Sjálfstæðisflokksins: Ef borgin væri fyrirtæki væri boðað til hluthafafundar og skipt um stjórnendur

Halldór Halldórsson, oddviti borgarstjórnarflokks Sjálfstæðisflokksins, gagnrýnir borgaryfirvöld í kjölfar þess að fjárhagsáætlun Reykjavíkurborgar var kynnt í dag. Gert er ráð fyrir miklum hallarekstri á borgarsjóði á yfirstandandi ári.

„Ef borgin væri fyrirtæki í þeirri stöðu sem útgönguspá fyrir árið 2015 og fjárhagsáætlun ársins 2016 lýsa þá væri hluthafafundur boðaður í skyndi og skipt um stjórnendur,“ sagði Halldór á ræðustól í dag.

Halldór gagnrýndi stefnu meirihlutans í húsnæðismálum og sagði hana gera fólki erfiðara fyrir að eignast eða leigja húsnæði. Skortur á lóðum þrýsti lóðaverði og verði fasteigna upp á við. Tekjur af fasteignasköttum myndu svo hækka um 1,5 um milljarð milli ára, vel umfram áætlaða verðlagsþróun.

Gagnrýndi oddviti Sjálfstæðisflokkinn mikinn hallarekstur borgarinnar og sagði hann óhjákvæmilegt að rekstarniðurstaða borgarinnar myndi þýða verri þjónustu gagnvart borgarbúum. Taldi Halldór jafnframt að nýta ætti getu Orkuveitu Reykjavíkur til að greiða arð til þess að lækka álögur á borgarbúa.

„Ef Orkuveitan getur greitt út arð er væntanlega hægt að lækka þau gjöld sem lögð voru á í kjölfar hruns. Það væri sanngjarnara í staðinn fyrir að greiða borginni arð. Það er ekki endalaust hægt að senda borgarbúum reikninginn fyrir slæmum rekstri borgarinnar.