Indónesíska vélin fundin

Indónesíska flugvélin sem leitað hefur verið að undanfarna daga  er fundin. Alls voru tíu innanborðs og eru þeir allir taldir af. Vélin hvarf af ratsjám yfir eyjunni Sulawesi á föstudag en hún var á leið frá Masakkar, héraðshöfuðborginni í Suður-Sulawesi til Masamba.

Flugið tekur um eina klukkustund en sambandið við hana rofnaði um það bil hálftíma fyrir lendingu. Hún fannst svo loks síðdegis í gær.

Yfir þrjú hundruð manns hafa farist í flugslysum í Indónesíu það sem af er þessu ári. Almennt þykir öryggi ábótavant hjá flugfélögum þar í landi.