Ingibjörg Melkorka gaf líffæri sín

Ingibjörg Melkorka Ásgeirsdóttir, sautján ára stúlka sem lét lífið eftir að hafa neytt e-pillu aðfaranótt sunnudags, gaf líffæri sín. 

„Ingibjörg Melkorka hafði látið í ljós þá ósk, að ef til þess kæmi, yrði hún líffæragjafi. Við því var orðið og er það okkur nokkur huggun á erfiðum stundum að líf hennar geti orðið öðrum til aðstoðar,“ segir í tilkynningu frá aðstandendum hennar.

Umræða um líffæragjöf hefur verið töluverð í samfélaginu undanfarnar vikur og mánuði. Líffæri Skarphéðins Andra Kristjánssonar, átján ára gamals drengs sem lést í janúar 2014 vegna áverka úr bílslysi, nýttust sex manns. Þar á meðal sextán ára dreng sem fékk hjarta hans.

Þá vakti mikla athygli viðtal við foreldra Dagnýjar Aspar Runólfsdóttur sem lét lífið í bílslysi í lok síðasta árs. Hún hafði ákveðið að gerast líffæragjafi og fengu sömuleiðis sex líffæri úr Dagnýju.

Til að taka afstöðu til líffæragjafar getur fólk farið inn á vefsvæði landlæknis og smella þar á bláan hnapp sem stendur á líffæragjöf.



Smellið hér.