Lítið Grímsvatnahlaup er hafið í Gígjukvísl. Hlaupið er þó þó eitt það minnsta sem sést hefur að því fram kemur á heimasíðu Veðurstofunnar. Þar er bent á að brennisteinsvetni berst með hlaupvatninu þegar það kemur undan jökli.

Styrkur þess mjög nálægt útfalli árinnar, sem er við jökuljaðar, getur orðið svo mikill að það skaði slímhúð í augum og öndunarvegi. Hlaupið er ekki talið skapa hættu fyrir mannvirki og umferð á Skeiðarársandi.