Dæmdur kynferðisbrotamaður áfram í farbanni

Hæstiréttur hefur staðfest framlengingu á farbannsúrskurði yfir manni sem dæmdur var í níu mánaða skilorðsbundið fangelsi í desember síðastliðnum fyrir kynferðisbrot. Maðurinn var dæmdur fyrir að hafa sært blygðunarsemi konunnar með því að áreita hana kynferðislega. Sex af mánuðum níu eru skilorðsbundnir.

Fór hann inn í svefnherbergi konunnar, fróað sér fyrir framan andlit hennar og fékk sáðfall yfir öxl hennar og hár sem og kodda sem hún lá á.

Manninum var einnig sakaður að hafa káfað á konunni þar sem hún lá á fjórum fótum á svefnherbergisgólfinu að kasta upp. Á þeim tímapunkti er maðurinn sagður hafa losað brjóstahaldara hennar, þuklað á brjóstum hennar og strokið kynfæri hennar innanklæða.

Takmörkuð tengsl við landið

Maðurinn neitaði sök en DNA rannsókn á sýnum úr hári konunnar og brjóstahaldara komu heim og saman við manninn. Hann er ekki íslenskur ríkisborgari og með takmörkuð tengsl við landið, að því er segir í greinargerð ríkissaksóknara.

Maðurinn tilkynnti að hann hyggðist áfrýja dómnum og var áfrýjunarstefna gefin út af ríkissaksóknara þann 5. janúar. Þess er nú beðið að frumgögn berist frá héraðsdómi vegna málsins. Verður maðurinn í farbanni á meðan á áfrýjunarfresti stendur eða fram að afplánun dóms en þó ekki lengur en til 10. apríl.

Maðurinn hefur verið í farbanni frá 30. apríl síðastliðnum. Í greinargerðinni segir jafnframt að með hliðsjón af því að dómfelldi hafi lítil tengsl við landið, hann hafi einungis búið hér í tæpt ár, og sé nú að skilja við eiginmann sinn, sé það mat ríkissaksóknara að veruleg hætta sé á að hann reyni að komast úr landi til að forðast fullnustu dómsins.

Sjá dóm Hæstaréttar hér.