Styrkur brennisteinsvetnis í andrúmslofti innan settra marka

Styrkur brennisteinsvetnis í andrúmslofti var innan settra marka árið 2014 samkvæmt skýrslu um niðurstöður mælinga í Hveragerði og Norðlingaholti.

Þetta kemur fram í tilkynningu frá Orku Náttúrunnar en nú er unnið að uppsetningu nýrrar færanlegrar mælistöðvar sem verður við Lækjarbotna til að byrja með.

Árlega vinnur verkfræðistofan Vista skýrslu um niðurstöður mælinga á styrk brennisteinsvetnis í þeim tveimur stöðvum í byggð sem Orkuveitan setti upp í tengslum við rekstur Hellisheiðarvirkjunar. Þær eru í Hveragerði og í Norðlingaholti, austast í Reykjavík. Í töflunni hér að neðan er yfirlit yfir reglugerðarmörk og hvort styrkur stóðst þau mörk.

Niðurstöður mælinga í rauntíma eru almenningi aðgengilegar meðal annars á vef Umhverfisstofnunar en þar er að finna samræmda framsetningu mælinga á ýmsum loftgæðaþáttum. Smelltu hér til að fara á loftgæðavef Umhverfisstofnunar.

Ársfjórðungslega er birt samantekt um niðurstöður loftgæðamælinga. Hér má síðan lesa skýrslu Vista um loftgæðamælingarnar allt árið 2014.