MS beggja vegna borðsins

Mjólkurframleiðandinn Arna í Bolungarvík er einn þeirra sem hefur þurft að greiða hærra verð fyrir mjólk frá MS en dótturfyrirtæki samsölunnar, Kaupfélag Skagfirðinga og Mjólka. Arna sérhæfir sig í laktósafríum mjólkurvörur en eftir að áætlanir Örnu voru kunnar í fyrra hóf MS að selja laktófría mjólk. Hálfdán Óskarsson, framkvæmdastjóri mjólkurbúsins Örnu, segir að eftir kvörtun til verðlagsnefndar búvara hafi verðið fengist aðeins lækkað. Núna greiðir Arna um 14 prósent hærra verð fyrir mjölk frá MS en tengd fyrirtæki.



Fulltrúar MS sitja í verðlagsnefnd

Hálfdán segir Mjólkursamsöluna sitja beggja vegna borðsins.  Þegar Arna sendi beiðni um að hrámjólk í lausu yrði sérstaklega verðlögð, þá voru það meðal annars fulltrúar MS í nefndinni sem ákörðuðu hvað væri sanngjarnt verð til Örnu, segir Hálfdán.

Í verðlagsnefndinni situr einn fulltrúi ráðherra, ASÍ, BSRB og tveir frá Bændasamtökunum. Auk þeirra sitja í nefndinni Pálmi Vilhjálmsson, framkvæmdastjóri framliðsludeildar MS og fulltrúi Samtaka afurðastöðva í mjólkuriðnaði og  Guðrún Sigurjónsdóttir, stjórnarmaður í Auðhumlu aðaleiganda MS. Þau sitja sem fulltrúar Samtaka afurðastöðva í mjólkuriðnaði.

Greiða vinnslugjald með hrámjólk

Hálfdán sagði í fréttum Stöðvar tvö í kvöld segir Neytendur borga meira vegna fyrirkomulagsins. "Við erum nú að borga tæplega 92 krónur fyrir mjólkur líterinn, fengum hann lækkaðann í apríl. Þar áður vorum við að greiða rúmlega 102 krónur. Við vorum að kaupa mjólk sem var skilgreind sem unnin mjólk í lausasölu og þurftum þannig að borga fyrir hrámjólk með vinnsluálagi þótt hún væri óunnin. Við þurfum að hleypa þessu út í verðið á okkar vöru þannig að neytendur hafa þurft að borga meira en ella fyrir vöruna".

Stærsta fyrirtækið í verðlagsnefnd

Hálfdán segist furða sig á fyrirkomulaginu. "Mér finnst bara skrýtið, eins og koma fram í úrskurði Samkeppniseftirlitsins, að þegar kvörtun berst til verðlagsnefndar búvara frá samkeppnisaðila MS þá eru fulltrúum þeirra í nefndinni falið að svara því erindi. Að fulltrúar stærsta aðlans á mjólkurmarkaði sé með tvo aðila inní þessari opinberu nefnd er skrýtið. Í allri annarri starfsmi væri bara leitað eftir upplýsingum hjá viðkomandi ef þess þyrfti. Fyrirtækin ættu ekki fulltrúa í nefndinni sem slíkri", sagði Hálfdán.

Linda Blöndal