Mini Cooper fyrsta ástin

„Hann er fyrsta ástin,“ segir Garðar Lárusson um sinn fyrsta bíl sem hann eignaðist sextán ára gamall. Bíllinn kom til landsins splunkunýr árið 1973 og fór Garðar með bílinn til móður sinnar, reif hann í sundur, skipti um vél og gírkassa og smíðaði í hann mælaborð. Hann dundaði sér í bílnum þar til hann fékk loks bílprófið í apríl 1974.

„Þetta er alveg stórkostlegur bíll. Þeir sem hafa prófað að keyra Austin Mini vita hvernig aksturseiginleikarnir eru. Þetta er svona svipað og að keyra gokart bíl,“ segir Garðar.

Um var að ræða glænýjan Mini Cooper sem Garðar seldi svo fjórum árum síðar. Hann gleymdi þó aldrei fyrsta bílnum sínum og leitaði hans lengi.

Ísland í dag hitti Garðar og fékk að vita allt um hvernig leitin fór.