"Hann er svo sætur"

Tónlistarmaðurinn Ásgeir Trausti virðist hafa heillað Bandaríkjamenn upp úr skónum er hann tróð upp á South by Soutwest hátíðinn í Texas í gær. 

Tímaritið People Magazine birtir mynd af tónleikum kappans á Instagram síðu sinni þar sem þau kynna Ásgeir til leiks og segja fylgjendum sínum að hann sé „really cute".

Flestir fylgjendut blaðsins á samskiptasíðunni virðast vera sammála og skiptast á að hrósa útliti tónlistarmannsins. Yfir 1500 manns hafa einnig líkað við myndina. 

Það er svo spurning hvort tónlist Ásgeirs hafi fallið jafn vel í kramið í áhorfendum á hátíðinni sem stendur yfir helgina.