Segja fyrirvara í tillögum innanríkisráðherra gagnrýnisverða

Innanríkisráðherra hefur ákveðið að leggja til að nauðungarsölum verði áfram frestað, að þessu sinni til 1.mars á næsta ári. Hagsmunasamtök heimilanna fagna ákvörðuninni en gagnrýna um leið að of margir fyrirvarar séu í tillögum innanríkisráðherra.

Þetta verður í annað sinn sem núverandi ríkisstjórn setur um lög um frestun á nauðungarsölum en gömlu lögin féllu úr gildi í dag. Sýslumenn munu áfram hafa heimild til að fresta nauðungarsölu að beiðni gerðarþola. Í tilkynningu innanríkisráðuneytisins um málið kemur fram að brugðið sé til þessa ráðs svo skuldurum gæfist tími til að leggja mat aðgerðir ríkisstjórnarinnar um niðurfærslu húsnæðislána og hvaða áhrif þær aðgerðir hefðu á skuldastöðu viðkomandi.

Samtök fjármálafyrirtækja taka undir þessi rök innanríkisráðherra og setja sig ekki upp á móti frumvarpinu. Aukinheldur hefur að undanförnu dregið mikið úr vanskilum hjá bönkunum.

„Erþetta stór hópur sem erískjóli frálánastofnunum vegnaþessara laga?“

„Ég hef ekki nákvæmar upplýsingar um það en ég tel þó ekki svo vera,“ segir Jóna Björk Guðnadóttir, lögfræðingur hjá Samtökum fjármálafyrirtækja.

Hagsmunasamtök heimilanna skoruðu á innanríkisráðherra í síðustu viku að endurnýja lögin og segir formaðurinn það ánægjuefni að úr hafi ræst. Hinsvegar séu atriði í nýju lögunum sem vert er að gagnrýna.

„Það er það að nauðungarsölur geta byrjað aftur í dag. Ég hef einhversstaðar séð að það eru nauðungarsölur á morgun og halda svo bara áfram. Þingið kemur ekki saman fyrr en seinna í mánuðinum. Og hvað ætlar ríkisstjórnin að gera á meðan? Ætlar hún að láta nauðungarsölurnar að fara fram á meðan? Þá er ekkert úrræði til fyrir þann hóp,“ segir Vilhjálmur Bjarnason, formaður Hagsmunasamtaka heimilanna.

Þá gagnrýnir Vilhjálmur einnig að í tillögum innanríkisráðherra er gert ráð fyrir því að þingfesting mála og byrjun uppboðs muni fara fram nema gerðabeiðandi óski eftir frestun.

„Byrjun uppboðs fer fram en það var ekki svo í gömlu lögunum. Það er grafalvarlegur hlutur.“