Biðröð fyrir utan ÁTVR í Eyjum

Sól og blíða er í Vestmannaeyjum, þar sem Þjóðhátíð verður sett í kvöld. Búið er koma upp vel á annað hundrað tjöldum í Herjólfsdal, ef frá eru talin hvítu tjöldin sem heimafólk er í óða önn að innrétta.

Straumur fólks til Eyja eykst stöðugt og þegar vínbúðin opnaði í miðbænum í dag myndaðist fljótlega töluverð röð, en Eyjamenn fara þá leið að hleypa fólki inn í hollum, enda vínbúðin í smærri kantinum. Þá myndaðist jafnframt örtöð í verslun Krónunnar og fleiri stöðum í Vestmanneyjum.

Þjóðhátíð stendur á gömlum merg, og búst er yfir tólf þúsund manns. Helstu skemmtikraftar þar verða Quarashi, Skítamórall, John Grant, Sálin Hans Jóns Míns, Kaleo, Mammút, Jón Jónsson og Páll Óskar ásamt fleirum.