Einkaneyslan býr til hagvöxtinn

Meiri kaupmáttur og meiri innkaup

Meiri einkaneysla sést á aukinni kortaveltu Íslendinga, bílasölu og almennri smásölu eins og lesa má í spá Hagstofunnar sem gerð var í þessum mánuði og birt var í dag. Störfum fjölgaði í fyrra mikið á milli ára í fyrra eða jafn mikið og árið 2007 og er fjölgun starfa er spáð áfram. Laun hafa hækkað umfram verðlag og kaupmáttur aukist talsvert að undanförnu.

Batnandi hagur ekki allra

Fjárhagsstaða heimila og fyrirtækja hefur haldið áfram að batna vegna endurskipulagninu skulda, hagvaxtar og hærra eignaverðs. Hluti heimila og fyrirtækja mun þó enn þurfa sérstök skuldaúrræði og hlutfall ráðstöfunartekna í húsnæðisgjöld verður ennþá hátt, segir í skýrslunni.

Slæm tíðindi  

Pétur Blöndal, þingmaður Sjálfstæðisflokksins og varaformaður efnahags og viðskiptanefndar Alþingis segir slæmt ef einkaneysla drífi áfram landsframleiðsuna. Hann segir fjárfestingu enn mjög lága. Lækka eigi aftur fjármagnstekjuskatt og hvetja  til sparnaðar en enn búi Íslendingar við að þeim er refsað fyrir sparnað, eins og Pétur nefndi í fréttum Stöðvar 2.

Meiri fjárfestingar vegna ferðamanna og kísilvinnslu

Aukin neysla frá því í fyrra er um 4 prósent miðaði við spána. Fjárfesting jókst um sautján komma sex prósent miðað við sama tíma í fyrra og er nefnt í skýrslunni að þar komi til auknar fjárfestingar á fasteignamarkaði. Verð á fasteignum hefur hækkað mikið sum staðar. Í hverfum nærri miðbæ Reykjavíkur var fermetraverð í fjölbýli í fyrra allt að 20 prósent hærra en á árinu 2007. Meiri fjárfestingar í atvinnulífnu er rakið til ferðamannaþjónustu og einnig stóriðja, sér í lagi vegna orkutengdrar fjárfestingar í kísilvinnslu.

Margs konar óvissa framundan

Það sem helst skapar þó óvissu í efnahagslifinu næstu árin er, að stóriðjuframkvæmdir verði minni en talið verði, launa- og gengisþróun en kjarasamningar verða lausir í vetur. Gengishöft og möguleg bólumyndun verði í efnahagslífinu innan fjármagnshafta.